გ ა ნ ც ხ ა დ ე ბ ა

   8 ოქტომბერს 10.00 საათზე   შპს ,,ბათუმის დამოუკიდებელ სასწავლებელში“ სასწავლო პროცესი დაიწყება შემდეგ პროფესიულ საგანმანათლებლო პროგრამებზე:

1. კბილის ტექნიკოსი ( მესამე, მეოთხე საფ.);

2. პრაქტიკოსი ექთანი (მეხუთე საფ.)

3. ბუღალტერი   (მეოთხე საფ.)

4. ოფისის მენეჯერი (მეოთხე საფ.)

5. საბაჟო წარმომადგენელი (მესამე, მეოთხე საფ.)

ღონისძიება "ჰილტონ ბათუმში"

     2018 წლის  17 სექტემბერს, სასტუმრო "ჰილტონ ბათუმში" გაიმართა სამუშაო შეხვედრა საქართველოს სავაჭრო-სამრეწველო პალატის დუალური პროფესიული განათლების საკორდინაციო საბჭოს წარმომადგენელთა რეგიონში მოქმედ პროფესიული სასწავლებლების წარმომადგენლებთან და დამსაქმებლებთან. 

       ბათუმის დამოუკიდებელი სასწავლებლიდან ღონისძიებას ესწრებოდნენ პროფესიული პროგრამების მენეჯერი იზოლდა ხალაში და ხარისხის უზრუნველყოფის სამსახურის ხელმძღვანელი მანანა ხაბაძე. შეხვედრა მიზნად ისახავდა პროფესიულ სასწავლებლებთან დამსაქმებელთა აქტიურ თანამშრომლობასა და ზოგიერთი მიმართულებით დუალურ სწავლებაზე გადასვლას. შეხვედრის ორგანიზატორთა მხრივ გამოითქვა სურვილი -აჭარის სავაჭრო-სამრეწველო პალატის ორგანიზებით მოეწყოს რეგიონის მასშტაბით შეხვედრა კერძო კოლეჯების წარომადგენლებსა და დამსაქმებლებს შორის.

ურთიერთანამშრომლობის 7 წელი

22 ივნისს ,,სარფი“სსაბაჟოგამშვებპუნქტში საწარმოო პრაქტიკის შემაჯამებელ ღონისძიებას დაესწრო სასწავლებლის ადმინისტრაციის წარმომადგენლები და სგპ ,,სარფი“-სხელმძღვანელობა.სტუდენტებმა საწარმოო პრაქტიკის ორგანიზებულად და მაღალ დონეზე ჩატარებისათვის კმაყოფილება და მადლიერება გამოხატეს საწარმოო პრაქტიკის ხელმძღვანელების - მერაბ ვაშაყმაძისა და ნატო ურუშაძის მისამართით. ასევე გამოიკვეთა შემოსავლების სამსახურის მებაჟე-ოფიცრების აქტიური ჩართულობა და ხელმძღვანელობა საწარმოო პრაქტიკის დროს, მათ სასწავლებლის წარმომადგენელმა იზო ხალვაშმა პროფესიულ სტუდენტთათვის გაწეული შრომისა და თანადგომისათვის სერტიფიკატები გადასცა. სგპ ,,სარფი“-ს უფროსის მოადგილე ნინო სიხარულიძემ კარგი შეფასება მიცა პროფესიულ სტუდენტებს თეორიული და პრაქტიკული უნარ-ჩვევების სათანადო დონეზე ფლობისათვის.

   საინტერესო იყო წარჩინებული სტუდენტის რეზო კონცელიძის მიერ გაკეთებული პრეზენტაცია, რომელიც ასახავდა საბაჟოს ისტორიას, ფუნქციას, მნიშვნელობასა და საკუთარ ხედვას.

   სსიპ - შემოსავლების სამსახურსა და ბათუმის დამოუკიდებელ სასწავლებელს შორის 7-წლიანი ურთიერთანამშრომლობა პარტნიორებმა და სტუდენტებმა ტკბილად აღნიშნეს.

6 ივნისს ხარისხის უზრუნველყოფის საბჭოს სხდომაზე პროფესიული პროგრამების მენეჯერმა  იზო ხალვაშმა განსახილველად წარმოადგინა საბაჟო საქმის მოდულური პროგრამა. სხდომას ესწრებოდნენ საბაჟო საქმის პროგრამის ხელმძღვანელი ნატო ურუშაძე,  პროფესიული მასწავლებლები და ბიბლიოთეკარი ქეთევან გოცირიძე.

4 ივნისს სასწავლებლის ხარისხის უზრუნველყოფის საბჭოს სხდომაზე განხილული იქნა ინფორმაციის ტექნოლოგის მხარდაჭერის პროგრამა. სხდომას ესწრებოდნენ პროგრამის ხელმძღვანელი ვახტანგ ტაკიძე და მოდულების განმახორციელებელი პროფესიული მასწავლებლები.

მიმდინარე სასწავლო წლის 24-25 მაისს სასწავლებელის სააქტო დარბაზში გაიმართა სტუდენტური კონფერეცია - 2018 , სადაც აქტიურად ჩართული იყო როგორც ჯანდაცვის მიმართულების, ასევე ოფისის მენეჯერის   და საბაჟო წარმომადგენელის მეოთხე საფეხურის პროფესიული სტუდენტები. სულ წარმოდგენილი იყო 13 თემა. საკონფერენციო ნაშრომები შეფასდა შემდეგი კრიტერიუმებით: თემის აქტუალურობა, მასალის ფლობა, ტერმინოლოგიისა და თვალსაჩინოების მიზნობრივად გამოყენება. შეფასების  შედეგად გამოვლინდნენ პირველი, მეორედა მესამე ადგილის მფლობელები, მათ გადაეცათ სიგელები და ფასიანი საჩუქრები, ასევე თემის ხელმძღვანელ პროფესიულ მასწავლებლებს დირექციის სახელით გამოეცხადათ მადლობა და დაჯილდოვდნენ ფასიანი საჩუქრებით.

პროფორიენტაციის მიზნით სასწავლებლის ხარისხის უზრუნველყოფის სამსახურის ხელმძღვანელობით განხორციელდა შეხვედრები რეგიონის ზოგადსაგანმანათლებლო სკოლის მოსწავლეებთან. სასწავლებლის წარმომადგენლებმა სრული ინფორმაცია მიაწოდეს მოსწავლეებს პროფესიული საგანმანათლებლო პროგრამების, სასწავლო პროცესისა და სასწავლებლის შინაგანაწესის შესახებ. პროფორიენტაციის მიზნით ჩატარებულმა შეხვედრებმა გარკვეული დაინტერესება გამოიწვია მოსწავლეებში, მათ მიერ დასმულ შეკითხვებს გაეცა სრულყოფილი პასუხები.  

                                                                                          დასაქმების ფორუმი 2018
18 მაისს ჩვენი სასწავლებლის სტუდენტებმა მონაწილეობა მიიღეს “ონლაინ დასაქმების ფორუმი + ღონისძიება 2018”-ში , რომელიც მოეწყო სასტუმრო ჰილტონში. კომპანიებისათვის და სასწავლებლებისთვის გამოყოფილი იყო გარემო, რომელიც დაინტერესებული პირებისათვის იყო სრული ინფორმაციის მიმცემი სარეკლამო ბუკლეტებითა და თვალსაჩინოებებით. აღნიშნული ღონისძიება აძლევს უნიკალურ შესაძლებლობას სასწავლებლების დამამთავრებელი კურსის სტუდენტებს მთლიანი ღონისძიების მანძილზე ონლაინ რეჟიმში მიიღონ მონაწილეობა დასაქმების ფორუმში და:
• შეავსონ CV ონლაინ
• ნახონ მონაწილე კომპანიები და იპოვონ სასურველი ვაკანსიები
• გამოეხმაურონ ონლაინ - გააგზავნონ CV ღილაკზე დაჭერით მათთვის სასურველ ვაკანსიებზე
• მივიდნენ რეალურ ღონისძიებაზე ამობეჭდილი CV-ებით და შეხვდნენ კომპანიის წარმომადგენლებს, გაესაუბრონ ვაკანსიების შესახებ და წარადგინონ საკუთარი თავი
„დასაქმების სააგენტო ეიჩარი“ არის წამყვანი დასაქმების სააგენტო საქართველოში, ხოლო მისი საიტი (www.hr.ge) და უკვე საიტების ერთიანი სივრცე (www.cv.ge , www.doctor.ge , www.course.ge, www.chefs.gewww.career.ge , www.Bankers.ge), სადაც განთავსებულია ყველაზე მეტი ვაკანსია ინტერნეტ სივრცეში - ყველაზე მაღალი მაჩვენებლი საქართველოში დასაქმების პორტალებს შორის.

                                                                                    ურთიერთთანამშრომლობის მემორანდუმი
2018 წლის 17 აპრილს ააიპ - ბათუმის საბავშვო ბაღების გაერთიანებასა და შპს ,,ბათუმის დამოუკიდებელ სასწავლებელს” შორის გაფორმდა ურთიერთთანამშრომლობის მემორანდუმი აღმზრდელის პროფესიული საგანმანათლებლო პროგრამის განხორციელებისა და პროფესიულ სტუდენტთა პრაქტიკული მეცადინეობის ხელშეწყობის შესახებ. თანამედროვე სტანდარტების შესაბამისი სპეციალისტის ჩამოყალიბების პროცესში უმნიშვნელოვანეს კომპონენტს წარმოადგენს შესაბამისი საგანმანათლებლო პროგრამისა და პრაქტიკული საქმიანობის ერთობლიობა, როგორც მიღებული და ათვისებული ცოდნის სრულყოფა-განმტკიცების ძირითადი საფუძველი.
მხარეები შეთანხმდნენ, რომ პროფესიული სტუდენტებისათვის პრაქტიკული სწავლების უზრუნველყოფა განხორციელდება ბათუმის საბავშვო ბაღებში, ასევე აღნიშნული პროგრამის კურსდამთავრებულთა დასაქმებაში ხელშეწყობა.

 2018 წლის 13 აპრილს  აკაკი წერეთლის სახელობის ქალაქ ბათუმის საჯარო ბიბლიოთეკაში გაიმართა დედაენის დღისადმი მიძღვნილი პოეზიის საღამო, რომელშიც მონაწილეობა მიიღეს ბათუმის დამოუკიდებელი სასწავლებლის პროფესიულმა სტუდენტებმა.