11 ნოემბერს სასაწავლებელში ჩატარდა ინტელექტუალური თამაშის ,,რა, სად, როდის?“ ნახევარფინალი. მასში მონაწილეობა მიიღო მეოთხედფინალში გამარჯვებული პროფესიული სტუდენტების 4 გუნდმა. ნახევარფინალში გამოვლინდა   გამარჯვებული 2 გუნდი,  ესენია: ოფისის მენეჯერის მე-4 საფეხურის და  პრაქტიკოსი ექთნის მე-5 საფეხურის  გუნდები.    თამაშის ,,რა, სად, როდის?“ ფინალი გაიმართება  სამშაბათს, 15 ნოემბერს. 

4 ნოემბერს სასაწავლებელში ჩატარდა ინტელექტუალური თამაშის ,,რა, სად, როდის?“ მეოთხედფინალი. მასში მონაწილეობა მიიღო სხვადასხვა სპეციალობის პროფესიული სტუდენტების 8 გუნდმა. პროფესიული მასწავლებლის თეონა ვასაძის მიერ შერჩეული იქნა საინტერესო კითხვები,  ჟიურიმ ობიექტურად შეაფასა და გამოავლინა  გამარჯვებული 4 გუნდი. ესენია: ოფისის მენეჯერის მე-4 საფეხურის, საბაჟო წარმომადგენლის მე-4 საფეხურის, ფარმაცევტის თანაშემწის მე-5 საფეხურის, პრაქტიკოსი ექთნის მე-5 საფეხურის  გუნდები.    თამაშის ,,რა, სად, როდის?“ ნახევარფინალი გაიმართება მომდევნო პარასკევს, 11 ნოემბერს. 

28 ოქტომბერს სასაწავლებელში ჩატარდა ინტელექტუალური თამაში ,,რა, სად, როდის?“. მასში მონაწილეობა მიიღო სხვადასხვა სპეციალობის პროფესიული სტუდენტების 16-მა გუნდმა. პროფესიული მასწავლებლებისაგან დაკომპლექტებულმა ჟიურიმ ობიექტურად შეაფასა და გამოავლინა პირველი ტურის გამარჯვებული 8 გუნდი,  თამაშის ,,რა, სად, როდის?“ მეორე ტური გაიმართება  4 ნოემბერს. 

                                                            ერთი     დღე    ბოტანიკურ    ბაღში

       ფარმაციის სპეციალობის სტუდენტები სასწავლო პროგრამის ფარგლებში ეწვივნენ ბათუმის ბოტანიკურ ბაღს. სტუდენტები აღფრთოვანებული დარჩნენ იქ ნანახი სილამაზით და სუბტროპიკულ მცენარეთა კოლექციით.შემოდგომის ფერები განსაკუთრებულ სილამაზეს და ხიბლს მატებდა ბუნებას, ირგვლივ ერთმანეთში  ჰარმონიულად ირეოდა ოქროსფერი,წითელი,ყვითელი და სხვა ფერები.

      სტუდენტებმა გულდასმით დაათვალიერეს ბაღის როგორც ზედა,ასევე ქვედა პარკი.  ზედა პარკს განსაკუთრებით ამშვენებდა უნიკალური პანორამული ხედები ზღვის და მთის შერწყმული ფლორით.

ერთი დღე ბოტანიკურ ბაღში სტუდენტებმა გაატარეს მხიარულ, საინტერესო და სასიამოვნო გარემოში.

                                                                                                                 შეხვედრა განათლების მინისტრთან
საქართველოს კერძო კოლეჯების ასოციაციის ორგანიზებით შედგა შეხვედრა საქართველოს განათლებისა და მეცნიერების მინისტრთან ალექსანდრე ჯეჯელავასთან. შეხვედრას ,,ბათუმის დამოუკიდებელი სასწავლებლიდან“ ესწრებოდა პროფესიული პროგრამების მენეჯერი იზო ხალვაში. შეხვედრაზე განხილულ იქნა პროფესიული განათლების პრობლემები და პერსპექტივები. ასოციაციის წარმომადგენლებმა კერძო კოლეჯების პრობლემებზე ისაუბრეს. მინისტრმა პროფესიული განათლების განვითარების საკუთარი ხედვები წარუდგინა საზოგადოებას, რომ პროფესიული განათლება გახდეს მიმზიდველი, სტუდენტებმა დაუბრკოლებლად შეძლონ სწავლის გაგრძელება უმაღლეს სასწავლებლებში. შეძლონ პროფესიულ სასწავლებლებში მიღებული ცოდნის გადატანა უმაღლეში და მოხდეს უმაღლესის მიერ მათი აღიარება. ასევე ვრცლად ისაუბრა კოლეჯების ბიზნესთან ურთიერთობის მიმართულებით.

შპს ,,ბათუმის დამოუკიდებელი სასწავლებელი“

         2016–2017 სასწავლო წელს აცხადებს მიღებას პროფესიულ საგანმანათლებლო პროგრამებზე:

• ბუღალტერი
• ოფისის მენეჯერი 
• საბაჟო წარმომადგენელი
• ინფორმაციული ტექნოლოგი
• კბილის ტექნიკოსი
• ფარმაცია
• პრაქტიკოსი ექთანი  (მე-5 საფ.)

სწავლის დასრულების შემდეგ გაიცემა სახელმწიფოს მიერ აღიარებული დიპლომი;

 პროფესიულ საგანმანათლებლო პროგრამებზე დაიშვებიან საბაზო განათლების (9კლ) და სრული ზოგადი განათლების მქონე პირები;

აბიტურიენტმა უნდა წარმოადგინოს შემდეგი საბუთები:

1. პირადობის დამადასტურებელი დოკუმენტის ასლი;

2. სრულიზოგადი/ საბაზო განათლების დამადასტურებელი დოკუმენტი;

3. დაბადების მოწმობის ასლი;

4. 3 ფოტოსურათი 3/4 –ზე.

აბიტურიენტთა რეგისტრაცია დაიწყება 2016 წლის 1 ივნისიდან

მის: ქ. ბათუმი, ჯავახიშვილის ქ.№3ა

ტელ:  29 41 34     მობ: 592 57 00 98;   555 43 82 38

ვებ.გვერდი:   WWW. biu-profcollage.ge

ელ.ფოსტა:  This email address is being protected from spambots. You need JavaScript enabled to view it.

სტუდენტთა კონფერენცია - 2016 შპს ,,ბათუმის დამოუკიდებელ სასწავლებელში“ 24 მაისს ჩატარდა სტუდენტთა კონფერენცია. კონფერენციაში მონაწილეობა მიიღეს პრაქტიკოსი ექთნის, ფარმაცევტის თანაშემწისა და ოფისის მენეჯერის პროგრამების პროფესიულმა სტუდენტებმა. სულ წარმოდგენილი იყო 9 თემა. კონფერენციაში აქტიურად ჩართული იყო პროფესიული მასწავლებლებიც, რომლებმაც სტუდენტებს გაუწიეს ხელმძღვანელობა საკონფერენციო თემატიკის შერჩევასა და მომზადებაში. კონფერენციაზე წარმოდგენილი თემები შეფასდა სპეციალური კომისიის მიერ და გამოიკვეთა გამარჯვებულები, რომლებიც დაჯილდოვდნენ სიგელებითა და ფასიანი საჩუქრებით.

საქველმოქმედო აქცია - ,,აჩუქე სიცოცხლე“

   7 აპრილს სისხლის ბანკში შპს ,,ჰემა-2012“ გაიმართა საქველმოქმედო აქცია ,,აჩუქე სიცოცხლე“, რომელშიც მონაწილეობა მიიღო ჩვენი სასწავლებლის სტუდენტებმა. სასწავლებლის ადმინისტრაცია მადლობას უხდის პროფესიულ სტუდენტებს გაწეული თანადგომისათვის.

   24 მარტს ,,ბათუმის დამოუკიდებელი სასწავლებლის“ ფარმაციის ფაკულტეტის სტუდენტებმა გამართეს ღონისძიება, რომელიც ეძღვნებოდა ტუბერკულოზით დაავადებულთა საერთაშორისო დღეს და ასევე დაუნის სინდრომით დაავადებულ ბავშთა საერთაშორისო დღეს.   „მზის შვილები“ - ასე ეძახიან  დაუნის სინდრომით დაავადებულ ბავშვებს. სტუდენტებმა წარმოადგინეს საინტერესო ნაშრომები და ვრცლად ისაუბრეს აღნიშნულ თემატიკაზე. ღონისძიებას ესწრებოდნენ სასწავლებლის სტუდენტები, მასწავლებლები და ექიმი-სპეციალისტები. მათ  ვრცლად და ამომწურავად  ისაუბრეს აღნიშნულ დაავადებებზე.

„სიყვარული სიცოცხლით იწყება“

      ასე უწოდეს გაზაფხულის ერთ ლამაზ საღამოს ,,ბათუმის დამოუკიდებელი სასწავლებლის“ ფარმაციის ფაკულტეტის  სტუდენტებმა.

      საღამო ეძღვნებოდა გაზაფხულის დღესასწაულებს, რომლებიც ასოცირდება  სიყვარულთან,      ქალთან       და დედასთან.      სტუდენტებმა საღამო  გაალამაზეს   ლექსებით, სიმღერებით, შესრულდა თანამედროვე და ქართული სიმღერები და ცეკვები, გაიმართა ვიქტორინა,  გამარჯვებულები დაჯილდოვდნენ საჩუქრებით. ღონისძიებაში აქტიურად ჩართული იყვნენ როგორც სტუდენტები, ასევე ლექტორ-მასწავლებლები.

       საღამოზე სიტყვით გამოვიდა პროფესიული პროგრამების მენეჯერი ქალბატონი იზო ხალვაში, რომელმაც გულთბილად მიულოცა ყველა ქალ მასწავლებელს, სტუდენტებს გაზაფხულის ყველა ლამაზი  დღესასწაული. სასწავლების წარჩინებული  სტუდენტები დაჯილდოვდნენ სიგელებით. საღამომ ჩაიარა თბილ და მხიარულ ატმოსფეროში.